Սիրելի բարեկամ, եթե ցանկանում եք նվիրատվություն կատարել Դեբեդի վարարման հետևանքով աղետից տուժած մանուկներին, ապա կարող եք ստորև հաստատել Ձեր մասնակցությունը, լրացնել հայտը, որից հետո ծրագրի աշխատակիցները կապ կհաստատեն Ձեզ հետ՝ նվերը ստանալու համար: Նվերները ձմեռ պապերի միջոցով կուղարկվեն Ձեր ընտրած նամակագրին, իսկ եթե չեք ընտրել որևէ կոնկրետ նամակագրի՝ պատահականության սկզբունքով ընտրված որևէ մանուկի: Հետադարձ շնորհակալագրով կհավաստվի Ձեր նվերը հասցեատիրոջը հանձնված լինելը:

1. Ծրագրին կարող են մասնակցել բացառապես գարնանը Դեբեդի վարարման հետևանքով տուժած բնակավայրերում ապրող 6-12 տարեկան երեխաները։ Վերջիններս կարող են իրենց նամակները գրել օնլայն տարբերակով՝ անմիջապես ծրագրի կայքում։
2. Մասնակիցները կայքի «Նամակ Ձմեռ պապին» դաշտում լրացնում են անհրաժեշտ տեղեկատվությունը և հայատառ շարադրում են իրենց նամակը։
3. Չեն ընդունվի և ծրագրին չեն մասնակցի այն նամակները, որոնք`
   • .պարունակում են ոչ անհրաժեշտ գույքի ստացման ցանկություն,
   • .պարունակում են կոնկրետ մոդելով տեխնիկայի ստացման ցանկություն,
   • .պարունակում են անպարկեշտ ու անհասկանալի արտահայտություններ,
   • .ակնհայտորեն չեն համապատասխանում ծրագրի նպատակներին։
4. Նամակները կարող են խմբագրվել ծրագիրը համակարգողի կողմից, անհրաժեշտության դեպքում վերջինս կարող է նաև կապ հաստատել պարզաբանումներ ստանալու համար։
5. Ծրագիրը չի երաշխավորում ցանկությունների կատարումը։